Teodoro Hernandorena: Euskalzale nekaezinaren historia
eaj_lasarte-oria @ 16:24
Xabier Lasa Bergarak historialariak Teodoro Hernandorenaren biografia-liburua aurkeztu zuen pasa den maiatzaren 23an Zizurkilgo Atxulondon.
Teodoro Godofredo izenak jarri zizkioten, nahiz eta berak esaten zuen bezala “horiek ez ziren Zizurkil batean jartzeko izenak!”. Izaera berezian, izena eta izana ederki uztarturik eraman zituen bizitza osoan Teodorok.
Apaiz ikasketak egiten hasi zen, baina ez zituen bukatu. Ez zuen inoren mende egon nahi. “Nik askatasuna nahi nuen” errepikatzen zuen behin eta berriz. Horrela, etxekoen borondatearen aurka, hamazazpi urterekin Teologia ikasketak utzi eta Zizurkilera itzuli zen.
Albaitaritza egiteko asmotan, Zaragozara joan zen gero eta medikuntza ikasketak egin zituen bertan. Dentista egin zen aurrerago. Baina, tartean izan zuen astirik mundu zabala ezagutzeko, itsasontzi batean mediku-lanetan arituta.
Euskal Herriaren alde zerbait egi nahi zuen eta biderik egokiena politika zelakoan, Donostiako Eusko Gaztedin bazkidetu zen eta aurrerago EGIko lehendakari izendatu zuten. Gipuzko Buru Batzarreko kide ere izan zen.
Kultura baliatu zuen ideia abertzaleak zabaltzeko eta Euskal Herria kanpoan ezagutzera emateko. Besteak beste, Gipuzkoako Abesbatza sortu eta Bartzelonako Liceora eraman zuen. “Euzkadi” pelikula ere atera zuen aurrera bakar bakarrik. Erbesteratuta zegoela, Iparraldeko bertsolaritza errautsetatik berpiztu zuen. Azken urteak Hondarribian pasa zituen, itsasoari begira.
Tagak: Euskara EAJ PNV Euzkadi Bertsolaritza Hernandorena
Zabaldu Bildu.net | 
del.icio.us
Ez dago erantzunik »
TrackBack URI
Erantzun bat idatzi