Lasarte-Oriako EAJ-PNV de Lasarte-Oria

16 manifestuak irakurritakoan Urchueguía andereak hartu zuen hitza. Erantzuterako orduan izan zuen jarrera lotsagarria iruditzen zaigu. Aipatutako manifestuak aurrez jaso zituela ere helarazi nahi genuke, horietako asko euskara hutsez zirelako eta jakin badakigu, gure alkate andereak zailtasun nabarmenak dituela euskara ulertzeko, hala, erantzunak prestatuak zituen eta ez zuen inongo trabarik izan "zinegotzi" berrioi berehala erantzuteko. Bere jarrera, ordea, prepotentziaz beterikoa izan zen, inongo autokritikarik egiteko ez zen gai izan, gaiekin bat ez zetozen erantzunak entzutea ere tokatu zitzaigun… Eta, gainera, bere erantzunak amaitzean ez genuen gure iritzirik emateko aukerarik izan. Azkenean, hain ideia polita zena, Anak zapuztu zuen.

Bestalde, Zaballos jaunaren jarrera goraipatu eta eskertu nahi genuke. Gurekiko izan zuen jarrera oso egokia eta umila izan baitzen gure ustetan, eta uneoro oso eroso sentiarazi gintuen bere "jefak" egin ez zuen moduan. Alkatearen erantzunen nondik norakoak aurrez ezagutu izan bagenitu, ez genuke, ziurrenik, halako lanik hartuko gure manifestuak prestatzen, alperrik egin ditugunaren sinesmenarekin geratu baikara. Hurrengo gazte udalbatzarrei begira (egongo badira), Ana, zure erantzunetan, zure ondoan eseritako gazteak zure aurkari politikoak ez direla kontutan hartzea eskatu nahi genizuke, eta erantzun batzuetan izan zenuen agresibitate puntu hori jaistea. Guk uste dugu, denok eskertuko dugula zure aldetik jarrera umilxeago bat.

Besterik ez, milesker.